Fiton Manchester, Adnan Januzaj i shënon gol Barcelonës (Video)

Manchester United fiton 3 me 1 ndeshjen ndaj Barcelonës, në kuadër të International Champions Cup të zhvilluar në Amerikë.

Protagonist i kësaj ndeshje ishte edhe futbollisti shqiptar Adnan Januzaj. Ai realizoi golin e tretë për Manchesterin në minutën e 91-të të ndeshjes, duke vulosur përfundimisht fitoren e djajve të kuq. Fillimisht për Manchester shënoi Rooney.

Më pas Lingard dhe në fund Januzaj. Golin e vetëm për Barcelonën e shënoi Rafinha.

Adnan Januzaj është një prej talenteve shqiptarë, që u kërkua me insistim edhe nga kombëtarja jonë, por në fund ai zgjodhi përfaqësuesen belge.

*    *    *

Audi të kuq dhe flamuj shqiptarë “pushtojnë” Gjermaninë

Dhjetë makina luksoze sportive, Audi R8 kabriolet kanë udhëtuar në disa vende të Gjermanisë dhe Austrisë me flamurin kombëtar.

Shikoni videon

Komentuesit online thonë se “kjo është një nga arsyet se pse Gjermania nuk na jep azil”.

*    *    *

Michael Schumacher; Si ka ndryshuar, ja fotoja e parë pas daljes nga koma

Ai kaloi 155 ditë në koma, por tashmë ia ka dalë. Megjithëse ka ende rrugë të gjatë për të bërë për tju rikthyer jetës normale.

Kampioni i botës në Formula One, Michael Schumacher është optimist. Këtë e tregon edhe buzëqeshja e tij. Rreth një vit pas daljes nga koma, publikohet fotoja e parë Shumaker.

Nuk dihet nëse kjo është një foto reale apo montazh, gjithsesi ndryshimi është i dukshëm.

*    *    *

Rusia do të marrë Stambollin, Kosova do ti kthehet Serbisë

Gazeta serbe "Kurir" ka gjetur një "profet" serb që parasheh gjëra të mira e të këndshme për disa serbë që ende kanë mbetur tek ëndrrat e mesjetës. Ai quhet Jovan Tarabiç dhe prezantohet si trashëgimtar i fundit i "profetëve të famshëm serbë" Jovan dhe Mitra Tarabiç.

Ai ka ndërruar jetë një vit më parë në moshën 90-vjeçare, por gazeta e përkujton me nostalgji se çfarë ka thënë ai n[ një emision televiziv.

"Të gjithë serbët që kanë ikur nga Serbia do të detyrohen që një ditë, për shkak të kaosit të përgjithshëm, të kthehen në atdhe dhe aty ta gjejnë paqen dhe shpëtimin. Jemi dëshmitarë se çfarë po i bëjnë uraganet e cunamet Amerikës, i gjithë ky është dënim i Zotit. Zoti nuk e do forcën e askujt. Botës Perëndimore nuk i shkruhet asgjë e mirë, do përfundojë siç e meriton", ka thënë ai.

"Sa i përket luftës së përgjithshme, beteja kryesore do të zhvillohet midis Rusisë dhe Turqisë dhe do të zhvillohet në Stamboll. Cari rus do t’i çlirojë të gjitha tokat ortodokse e serbe. Ku do të ketë shtëpi serbe, aty do të jetë Serbi. Krushevci do të jetë kryeqendër e ardhshme e Serbisë, Stambolli t’iu takojë sërish ortodoksëve e Kosova do të jetë sërish e jona", ka thënë Tarabiç.

*   *   *