September 18, 2014

Kur skulpturat bëhen protagoniste të FOTO-ve komike




Që në kohët e lashta edhe sot arti është një pjesë shumë e rëndësishme për shoqërinë. Janë të shumtë ata persona që janë të talentuar dhe përmes talentit kënaqin edhe të tjerët.

Një ndër artet nga më të pëlqyerit është edhe skulptura, pasi përveç bukurisë së saj jep dhe mesazhe nga më të ndryshmet. Për këtë arsye shumë artistë nëpër botë kanë krijuar skulptura nga më interesantet duke i bërë ato interaktive në një farë mënyre.

Pozicionet e vendosura u japin mundësi njerëzve që të krijojnë skena nga më të ndryshmet dhe pse jo t’i fotografojnë. Më poshtë mund të shihni një set me foto gazmore ku protagonistë sigurisht janë skulpturat.















*   *   *




TEST: A jeni PSIKOPAT?




Shoqata Amerikane e Psikiatrisë, në një studim të publikuar një vit më parë (2013), pati sqaruar se një person i cili ka 10 cilësitë e mëposhtme, konsiderohet “Psikopat”. 

Sipas artikullit në fjalë, sipas studimeve të shumta të bëra në këtë fushë, një pjesë e mirë e drejtuesve janë psikopat.

Por cilat janë këto cilësi?! 10 cilësitë, karakteristika të njerëzve psikopatë:

1. Nuk respekton ligjet, rregullat dhe vlerat e shoqërisë.

2. Cënon të drejtat e tjerëve.

3. Nuk ndjen dot keqardhje .

4. Nuk pranon gabimet.

5. Shfaq papritmas shenja agresiviteti.

6. Edhe pse nuk e ndjen, bën rol të njeriut që preket (emocional).

7. Para se të bëj gabime/krime/shkelje, krijon plane gjeniale. duke krijuar ekipe me njerëz të ngjashëm me të.

8. Nuk pëlqen natyrën dhe kafshët, dhe kur i jepet mundësia edhe i dëmton ato.

9. Urren shumë dhe është hakmarrës.

10. Krijon rregulla sipas vetes së tij dhe u bën presion të tjerëve që t’i respektojnë ato.


P.S. Pasi i keni lexuar këto cilësi, shihni njëherë vërdallë tek njerëzit që njihni, sa veta janë të tillë?!

A i plotëson të gjitha këto cilësi Sali Berisha?



*   *   *




Shpallet Republika e Iliridës




Nevzat Halili me disa bashkëpunëtorë të tij kanë shpallur sot Republikën e Iliridës. Qytetarët e mbledhur në Sheshin Skënderbeu në Shkup kanë nënshkruar pajtimin e tyre për shpalljen e kësaj republike.















Kyetari i Iliridës Nevzat Halili, vendimin për shpalljen e Iliridës e bazoi në Kushtetutën e SHBA-ve, e cila në preambulën e saj thotë se çdo qenie njerëzore ka të drejtë të qeverisë me vetveten si dhe në qëndrimin e presidentit amerikan Vudrou Uillson se popujt kanë të drejtën e vetëvendosjes.

Kërkesa ishte që Maqedonia të funksionojë si shtet i dy republikave të barabarta, ajo e Iliridës dhe ajo e Maqedonisë, sipas shembullit të ish federatës Serbi dhe Mali i zi dhe federatës belge. Halili kërkoi nga kryeministri Nikolla Gruevski që sipas shembullit të ish kryeministrit belg që dhe urdhër në vitin 1970 Belgjika të federalizohet edhe Gruevski ti japë urdhër parlamentit që të fillojë procedurën për federalizmin e Maqedonisë, transmeton Alsat-m.

Gjithashtu, Halili tha se kjo është e domosdoshme për shkak se Marrëveshja e Ohrit edhe pse e ndali konfliktin e vitit 2001 nuk arriti të sigurojë barabarësi mes shqiptarëve dhe Maqedonasve.


*   *   *



Si u fshi Van Persie brenda 2 min për Wilshere?




Nuk thotë  kot POPULLI 
“Me një të rënë të lapsit”

Kemi parë edhe herë të tjera përpjekje tifozash që transfomojnë fanellat sportive, por kësaj here, përpjekja e një tifozi të Arsenalit ka bërë bujë.

Kështu e ka transformuar ky tifoz fanellën e Van Persie-t në lojtarin me numrin 10, Jack Wilshere, shkruan "Metro".

Harrojeni qepjen me gjilpërë dhe gjëra të tilla, pasi kësaj here, është dashur vetëm një lapustilë e zezë dhe vetëm dy minuta kohë.

Në fakt, shumë tifozave iu thye zemra kur Arsenali vendosi ta shiste Robin van Persie-n, sidomos një klubi rival si atij të Mançesterit. Mirëpo ata gjetën mënyrat e tyre të përballimit të këtij fakti, por ajo që shpiku ky tifoz duket se "e ka fshirë" lehtësisht, brenda dy minutave, historinë e holandezit 31-vjeçar në klub. Atij iu desh kaq pak kohë dhe mundim për të shkruajtur Wilshere poshtë emrit të van Persie-t.

A ka qenë përpjekja e suksesshme? Nuk e dimë, por kjo mjaftoi për të pasur një fanellë të lirë, të punuar me dorë dhe pa humbur kohë!


*   *   *




Elbasan Arena vishet Kuq e Zi






Elbasan Arena ka nisur të marrë formë vetëm pak ditë nga përfundimi i punimeve në stadium.



Impianti i rikonstruktuar do të jetë “shtëpia e re” e kombëtares.Nga tetori aty do të luhen ndeshjet për elemintaroret e kampionatit europain “Francë 2016”.



Në stadium ka filluar puna për vendosjen e stolave, të cilat do të jenë në ngjyrat kuq e zi, ndërsa për tribunën VIP do të ketë stola të veçantë. Në të njëjtën kohë po punohet për fasadën, rrethimin, ambientet e brendshme dhe tapetin e fushës.

Stadiumi do të përurohet më 11 tetor të këtij viti.



imazhe shqip


*   *   *







Jose Mourinho: Ja pse Guardiola nuk ka flokë




Jose Murinho dhe Pep Guardiola


Menaxheri i Chelsea, Jose Mourinho ka thënë se trajneri i Bayern Munchen, Pep Guardiola nuk kënaqet në futboll dhe për këtë arsye nuk ka flokë.

Edhe pse vazhdimisht insiston se e respekton Pep Guardiolën, Jose Mourinho vazhdon të ketë përplasje me ish rivalin e tij nga Barcelona, aktualisht në drejtim të Bayern Munchen.

Menaxheri i Chelsea raportohet se pati një debat të nxehtë me Guardiolën edhe në forumin e fundit të trajnerëve të UEFA-s. Dhe gazeta “El Confidencial” ka publikuar një pjesë të asaj që dyshohet se Mourinho kishte thënë për Guardiolën.
“Futbolli është lumturi, kur nuk kënaqeni me të do t’iu bien flokët. Prandaj, ne të gjithë e dimë se si duket koka e Guardiolës, ai nuk kënaqet shumë në futboll”, u shpreh Mourinho.


*   *   *




September 17, 2014

Përgjigja ime për Berishën




Mira Kazhani, gazetarja që intervistoi Izet Haxhinë, është rilidhur mbrëmë me të në linjë telefonike, gjatë kohës që Berisha komentonte në News 24. Më poshtë përgjigja e tij nga Turqia, në të cilën Haxhia i drejtohet Berishës drejtpërdrejt:

imazhe shqip

“…Përsa i përket akuzave që më bën si vrasës dhe i dënuar nga gjykata… Harrove kush e bëri denoncimin e parë ndaj vëllezërve të mi? Si frikacak i lig që je, e ke bërë ti në Ambasadën Amerikane pasi u vra Fatmir Haklaj, nga i cili të shkonin shtatë nga frika.

Ai u vra nga terroristi dhe miku yt personal Anton Gjergji, që takohej me ty para operacioneve që kryente në Tropojë. Zoti Berisha, kush asht vrasës, unë apo ti?
Kush ja çoi armët në Vlorë për luftën mes bandave rivale, bandës së Kakamit..?
A kanë marrë pjesë në grupin e zjarrit që vranë më 21 janar, persona afër teje që vranë të pafajshëm në mars ‘97 në Përmet?
Kush dha urdhrin për vendosjen e bombës tek lokali i Lush Përpalit, bombën tek Fondacioni Soros, tek makina e Arben Ujkës?
Personi që vrau policin nga Tepelena më 13 mars, a është sot një miku jot dhe a ka gëzuar poste në qeverisjen tënde?

Kush e vodhi thesarin në Krrabë në mars ’97, pasi njerëzit e mij i tërhoqe nga ruajtja dhe ua dhe grupit të SHIK-ut me Xhahit Xhaferin në krye?

A të kujtohet pse u ndamë përfundimisht bashkë? Për moszbatimin e cilës porosi? Mos më porosite që të bombardoja një ambasadë të një vendi mik, ambasadoren e të cilës e quajte lavire e që duhej ndëshkuar? Kujtohu pak..

Ti je vrasësi i Tropojës. A të kujtohet kur më kërkove që të dërgoja njerëzit e mi që me autoblinda të shtypnim tropojanët që urreje?

A të kujtohet kur u largova nga Presidenca me njerëzit e mi dhe ngele vetëm dhe nga frika që të kapi, fusje gruan e vajzën të më merrnin në telefon e të më luteshin që të kthehesha duke më thënë se Saliu nuk asht mirë nga ana psikologjike?

Kush e dha urdhrin mbrëmjen e 13 shtatorit kur the duhet të hakmerremi ndaj Fatos Nanos që pastaj e bëre mik?

Pse i ndërron vrasësit sipas kohës? Për këto e të tjera ndodhi, do t’i sqaroj në një intervistë të dytë ”.


*   *   *





Sali Berisha për ish-truprojen e tij Izet Haxhia: Ai është vrasës




imazhe shqip


Në emisionin Studio e Hapur në kanalin televiziv News 24, deputeti Sali Berisha ish-kryeministër, është pyetur për intervistën që Izet Haxhia ka dhënë për gazetaren Mira Kazhani në DITA. Ai e quajti gazetën  “media e Hakmarrjes për Drejtësi” dhe  vijoi linjën e hipokrizisë ndaj figurës së Hajdarit: “U ekzekutua tribuni i lirisë shqiptare – tha ish-Presidenti i 97-s dhe e quajti ish-truprojen e tij, një vrasës. Ai iu shmang përgjigjes së pyetjes nëse duhet rihapur dosja Hajdari.


Gazetarja: Në Dita njerëz që punonin afër jush, kanë disa akuza se ju keni mbajtur anë në konfliktin e tmerrshëm në Tropojë. E kam fjalën për një intervistë të Izet Haxhiajt…


S.Berisha: Të fusësh në emision një vrasës… Ky zotëri, së bashku me vëllezërit e tij, të cilët janë në burg, ka qenë pjesëmarrës aktiv në një vrasje. Ky është një vrasës…. Ka pasur vëllanë oficer policie në ditën e vrasjes. Kjo intervistë është botuar nga djemtë e Arta Dades… Të merrem me një vrasës s’ja vlen… Se kush i ka dalë në pritë Azem Hajdarit, atë e di drejtësia. Ka një dosje dhe hetimet e kanë dënuar.


Gazetarja: A do zbardhet ndonjëherë çfarë ka ndodhur realisht në Tropojë? A ka kapacitet drejtësia jonë?

S.Berisha: Së pari, çfarë ndodhi në Tiranë… këtu u ekzekutua tribuni i lirisë shqiptare nga njerëz me uniformë. Oficera, majora, kolonelë të policisë. Po si e ekzekutuan ata? Pa mbështetje politike në asnjë mënyrë. Fillimisht kam pas të gjithë dyshimet për Fatos Nanon, mbrapa dyshimet janë për Gjinushin dhe Klosin, që mund të jem prapë i gabuar. Fakti që viktima e këtij akti terrorist ishte qeveria “Nano” dhe e meritonte sepse i tha BE që zbardh vrasjen, ose ke humbur legjitimitetin. Ky akt ka pasur mbështetje të qeverisë nga Tirana, deri në Tropojë, ata kanë shkuar pa u ndalur kurrkund. Një pjesë kanë shkuar te Nehat Kulla. Unë nuk besoj që socialistët kishin interes për procesin, por këtë ia imponoi komuniteti ndërkombëtar, sepse këtu erdhën prokurorë ndërkombëtarë që sqaruan ngjarjen. Autorët, disa janë vrarë, të tjerë janë burgosur dhe janë dënuar me jetë. Nuk mund të them se ka qenë plotësisht, që përfshiu dhe politikanët që e porositën, por ekzekutorët janë dënuar.

Gazetarja: A duhet rihapur dosja “Hajdari” dhe a ka kapacitet drejtësia jonë për të dhënë një verdikt të drejtë?

Drejtësia jonë duhet të hidhte dritë, sepse në Tropojë ka qenë vendi me më pak vrasje në gjithë vendin, nga viti 1900, deri 1997, vrasjet numërohen me gishtat e një dore. Më shumë ka vrarë një i çmendur që rastisi të ishte një skizofren që vrau njerëz me armë në rrugë në vitin shtatëdhjetë e ca, se sa të gjithë vrasjet e ndodhura në krahinë. Vrasjet pas i ka nxitur vetëm qeveria për një urrejtje për krahinën time dhe kjo është shumë evidente. Drejtësia po të punojë, mund t’i gjejë që të gjitha. Dëshmitë e vrasësve si puna e atij që bashkëpunon me Dabullat, me shpresë se do marrë ndonjë kockë prej tyre… (gazetarja e ndërpret duke i thënë që do flasin më vonë për këtë).



*   *   *






Erion Brace ne versionin ...

imazhe shqip

Erion Brace



* * *




September 15, 2014

Izet Haxhia: Kush e vuri bombën te VEFA. Historia e killerit Anton Gjergji




Pjesa e fundit e intervistës

“Hakmarrja për Drejtësi”, një sajesë e Berishës. Eksplozivi u vu nga Anton Gjergji, ndërsa Bujar Kaloshi u vra nga SHIK. Kush ishte komandoja enigmatike që u përdor derisa e zhdukën. Incidenti i Berishës me Dine Abazin në ‘91-in. Përplasjet e Izet Haxhisë me Edi Ramën dhe marrëdhëniet me të majtët. Paralajmërimi i Fatmir Haklajt: Berisha ka vendosur të na zhdukë! Jetesa në Turqi dhe feja islame.

Mira Kazhani: Në ngjarjet e Tropojës kanë humbur jetën shumë djem të rinj, te pafajshëm; direkt apo indirekt sa pati lidhje zoti Berisha…?

Izet Haxhia: Berisha kanë qenë palë në historinë e Tropojës. Njerëz që kanë qenë rreth tij, dhe që sot janë sërish afër tij, kanë qenë sponsorë të komandos që vranë Haklajt. Në krye të kësaj komandoje ka qenë Anton Gjergji.

Dua të sqaroj diçka që opinioni nuk e din. Nëse e mbani mend bombën tek VEFA. U akuzua një e ashtuquajtura “Hakmarrja për Drejtësi”. Nuk i njoh e as nuk di dhe s’e di çfarë kanë bërë ata, por një gjë e di me siguri: Që dy gjëra për të cilat janë akuzuar, s’i kanë bërë ajo bandë, bombën tek VEFA dhe vrasjen e Bujar Kaloshit.


Atë ditë që ka shpërthy bomba tek VEFA kam qenë në zyrën e Agim Shehut. Kemi shku që të dy në vendngjarje. Pas dy ditësh u vu në lëvizje shteti. Berisha ka qenë në Dajt. Shkoi dhe e mori helikopteri dhe e çoi në Presidencë. I thashë kështu-kështu dhe ai e priti shumë qetë, “E di, e di”, më tha. Pas rreth 3-4 ditësh vjen një miku im i komisariatit numër 3, një polic i vjetër dhe profesionist. Ai thotë që “unë e di kush e ka vënë bombën tek VEFA”. Polici më tha mua që ta transmetoja tek Berisha. Atë bombë e ka vu, vëllai i Il Mulletit. Vëllai Il Mulletit ka qenë bashkëpronar i firmës Shqiponja, ortak me Tritan Shehin, me Anton Gjergjin.

Historia e Anton Gjergjit është interesante. Ai, një djalë nga Puka, ka qenë shoqërues i Nexhmije Hoxhës. Ka qenë një njeri shumë i pregatitur, por ka qenë edhe një killer shumë gjakftohtë. Ma merr mendja mua që ai është rekrutu nga shërbimet sekrete të kohës, të SHIK-ut. Të gjitha shërbimet sekrete të botës nuk përdorin njerëzit e tyre por njerëz nga jashtë për të tilla shërbime. Sepse po u kap një person i shërbimit sekret është një skandal i madh.


Atë ditë urgjent kam shkuar te Berisha. Në atë kohë aty ka qenë edhe Gazidede dhe i thashë që kam një informacion të sigurtë që bombën tek firma VEFA e ka vu një Anton Gjergji. Berisha dhe Gazidede janë pa në sy me njëri-tjetrin dhe thanë: Mirë mirë se do e zgjidhim. Më vonë asnjëherë nuk dëgjova që të fajësoheshin këta persona. Dhe fakt interesant është se ky person është shfrytëzu për të vënë bombat në Tropojë.

Mira Kazhani: Jeton më ky person?

Izet Haxhia: Mesa kam dëgju unë, e kanë vrarë. Por Anton Gjergji ka qenë në krye të komandos që ka vrarë Haklajt. Dhe është njeriu që ka vrarë Fatmir Haklajn në pritën që i bënë. Bombën tek VEFA e vuri ky, dhe Bujar Kaloshin e vrau grupi operativ i SHIK.

Mira Kazhani: Do zbardhen ndonjëherë dosjet e Tropojës?

Izet Haxhia: Pa u zbardh dosja Tropoja, nuk do ketë asnjëherë drejtësi. As për mua dhe as për të tjerët. Është një dosje shumë e vështirë. Eleminimi i protagonistëve të këtyre ngjarjeve e bën të vështirë, por ndoshta një ditë drejtësia do e bëjë këtë detyrë.

Mira Kazhani: Doja t’ju pyesja edhe më lart, zoti Haxhia: A ka patur përpjekje reale për të eleminuar Sali Berishën?

Më kujtohet ditën që është rrëzu busti i Enver Hoxhës. Kam qenë me Berishën kur i erdhi një njoftim që duhet të takonte urgjent Ramiz Alinë. Erdhi një makinë e TVSH, Berisha hypi në vend të parë. Unë nga pas. Kur po kalonim tek libri universitar, aty Berisha kërkoi të ndalonim sepse pa disa njerëz që donte t’i takonte. Aty kam pa Haxhi Lleshin, Shefqet Peçin, ishit këta të byrosë të shqetësuar. Aty ishte një burrë i gjatë, Berisha u afrua t’i thoshte diçka dhe ai filloi t’i gjuante me çantë: Tradhtar, spiun! Berisha uli kokën dhe ai vazhdonte t’i qëllonte me çantë, dhe shoh në një çast që ky personi nxori pistoletën për të goditur. Unë hidhem nga sipër Berishës dhe kap dorën e tij. I kërkova shoferit t’i jepte gaz. Më vonë kam marrë vesh se ky personi ishte Dine Abazi. Ai ka qenë një njeri që ka ndihmu shumë Berishën në ngritjen e tij. Kushedi…

Mira Kazhani: Gjatë kohës kur ishte president a ka patur një përpjekje të tillë? Psh, ju keni marrë një propozim të tillë?

Izet Haxhia: Pas vrasjes së Azem Hajdarit në vitin 1999 është bërë një takim në Rogner, Pozitë-Opozitë, ku kanë qënë të pranishëm Majko, Ilir Meta, Sali Berisha, Genc Pollo, nuk di nëse ka pas të tjerë. Në atë kohë kam qenë në Tropojë. Takimi ka qenë i papritur sepse qeveria ishte në luftë. Berisha akuzonte PS për vrasjen e Azem Hajdarit etj. Aty është bërë një marrëveshje për eleminimin tonë. Aty Fatmir Haklaj është shqetësuar shumë. Një ditë më tha: Dëgjo, ti e don Berishën por Berisha është armiku jot. Por dëgjo, më tha, – Po qe se nuk vritet Berisha, ne do na vijë fundi. Të shkojmë ta vrasim Berishën në Tiranë. Në mënyrë absolute, i thashë, kjo nuk ka për të ndodhur. Berisha nuk është kriminel, i thashë. Kështu mendoja unë në atë kohë për të. Fatmiri më tha se ai është njeriu më hipokrit e i pabesë. Ke për ta pa, më tha ai.

Mira Kazhani: Nga e dinit se kishte marrëveshje për eleminimin tuaj?

Izet Haxhia: Fatmiri e kishte këtë informacion. Mesa duket, ja jepte Fatos Klosi. Se Fatos Klosi qe njeri shumë negativ, ngatërronte nga të gjitha anët. 

Mira Kazhani: Si kanë qenë raportet tuaja me politikanët e majtë? Mendon se ata të kishin frikë?

Izet Haxhia: Nuk i kam dashur asnjëherë ata. Nuk e di a më kishin frikë. Ndoshta edhe më kanë pasur. Ja t’ju tregoj një rast për Edi Ramën. E kam njohur në fillimet e PD-së. Ka qenë një miting dhe kur shoh Edi Ramën me një pardesy të bardhë që kishte mbërthy nga fyti Arben Imamin, mbrapa podiumit ku bëhej mitingu. Ai donte të mbante një fjalim më duket dhe Berisha kish kërkuar që ai njeri të mos afrohej. Kam ndërhy dhe e kam largu, por më bëri përshtypje se ishte shumë paqësor. Por kam pas antipati për atë njeri.

Më vonë, sa herë dilnim me makinë andej nga Artet, të gjithë shokët e mi gjuanin femra, unë prisja dhe ngacmoja me fjalë Edi Ramën. Ai ishte pedagog në arte dhe sa herë më dilte, e ngacmoja. Një ditë një ish-miku im, Skënder Haluca më kërkoi që mos ta ngacmoj më dhe i premtova. Kur e pashë në rrugë, i fola nga makina dhe i thashë që s’do e ngacmoj më meqë më kish fut një mik. Ai mu përgjigj keq dhe siç isha nga dritarja e makinës ja tërhoqa atë këmishën bashkë më T-shirt dhe jelekun dhe ja grisa. Ai u prek, u përlot dhe thoshte se nuk kish si shkonte në mësim. (jepte mësim)

Mira Kazhani: Do t’i kërkosh ndjesë?

Izet Haxhia: Nuk i kërkoj ndjesë, vetëm që është kryeministër. Po të mos ishte, do i kërkoja. Nuk dua të dukem si servil se nuk jam. Por dua të saktësoj diçka, se jam akuzu se kam qenë unë njeriu që kam rrahur Edi Ramën. Nuk është e vërtetë. Ai kur është masakru në ’96-ën nuk ka lidhje me mua. Edi Rama është rrahur nga një grup operativ i SHIK-ut të kohës. Unë e di që edhe prokurorit ai i ka thënë që mos e shkruani emrin që më ka rrahur, se ai njeri më vret mua. E ka pas fjalën për mua. Por nuk është e vërtetë. E dinin që isha unë i dhunshëm me politikanët, me 3 a 4 politikanë dhe m’i faturonin mua të gjitha rastet e dhunës. Atë e rrahu grupi i Xhahit Xhaferrit. 

Mira Kazhani: Po Ilir Metën si e keni njohur?

Izet Haxhia: Më kujtohet që edhe ai më çonte fjalë kur shkonte për të pi kafe tek Rogneri. Nuk e di pse, por ishte krijuar përshtypja që unë isha i dhunshëm dhe mund t’ju krijoja probleme. Por ai është burrë i zgjut. Ishin të shumtë atëherë që ruheshin nga unë. Ashtu më kish dal nami. Kisha rrahur edhe Nikoll Lesin. Po atë e pranoj, e kam urdhëru unë drurin për Nikoll Lesin. 

Mira Kazhani: Dmth. keni qënë vërtet i dhunshëm. Jeni penduar?

Izet Haxhia: Për disa gjëra jam pendu. Pendesat janë të vazhdueshme.

Mira Kazhani: Këtu në Turqi mësova se jeni lidhur shumë me besimin mysliman. Për çfarë e falënderoni zotin ju Izet?

Izet Haxhia: Nuk jam bërë këtu besimtar. Nënën e kam pas besimtare. Kam agjëruar që nga viti 1991. Feja myslimane është shumë e pasur. Gjatë viteve të burgut pata kohë edhe ta studioj. Çdo të premte falem. Kam dhe shumë miq imamë, por nga ata të moderuarit. Nuk jam dakord me radikalët. 

Mira Kazhani: Për çfarë i luteni Zotit?

Izet Haxhia: Unë nuk e quaj veten pafat.

Mira Kazhani: Se shpëtuat gjallë?

Izet Haxhia: Po, edhe për këtë. Të kalosh gjithë ato prita, komplote dhe të kesh shtetin kundër nuk është e lehtë. Ke një makinë të tërë që mundohet të të zhdukë. Unë jam i qetë pëpara Zotit, se nuk kam bërë krime. Jam treguar i dhunshëm por nuk kam vrarë njeri, nuk kam dhënë urdhra për të vrarë njeri, as nuk kam lëshuar pritë për të vra dikë. Për këtë jam i qetë para fëmijëve të mi dhe familjes time.

Mira Kazhani: Ju nuk e patët të mundur të mbanit familjen këtu për shkak të dokumenteve, ata jetojnë në Tiranë. Kur mendoni se mund të bashkoheni?

Izet Haxhia: Nuk e di. Zoti e di. Ndoshta do bashkohemi. Ose në shtëpi ose në burg. Nuk e di se si do të jetë…

Mira Kazhani: Jeni mirë këtu në Turqi?

Izet Haxhia: Sado i mirë të jetë vendi, s’ka si atdheu. Sado i keq me qenë, vendi jot është vendi jot. 

Mira Kazhani: Ju ka marrë malli të ktheheni në Tiranë?

Këtu përlotet, dhe nuk e vazhdon më intervistën.


*   *   *


Pjesa e Parë:   http://imazheshqip.blogspot.com/2014/09/izet-haxhia-familja-berisha-qe-kam_49.html

Pjesa e Dytë:  http://imazheshqip.blogspot.com/2014/09/izet-haxhia-viti-97-droga-dhe-azemi.html

Pjesa e Tretë:  http://imazheshqip.blogspot.com/2014/09/izet-haxhia-nata-e-vrasjes-se-azem.html





Izet Haxhia: Nata e vrasjes së Azem Hajdarit





Pjesa e Tretë e intervistës

Kjo është pjesa e tretë e intervistës që DITA i ka marrë një prej per­sonazheve më interesantë të Shqipërisë së viteve ‘90-’99, ish-truproja e Sali Ber­ishës, Izet Haxhia. Në dy numrat e mëparshëm, është folur për familjen Berisha dhe më pas për ngjarjet e 97-s. Në këtë numër, botohet pjesa e rrëfimit të Haxhisë që flet për momentin e vrasjes së Hajdarit dhe më pas për bombën te VEFA që tronditi Sh­qipërinë atyre viteve.



Mira Kazhani: Kush e vrau Azem Hajdarin?

Izet Haxhia: Fatmir Haklaj


Mira Kazhani: Ka qëlluar dikush tjetër kundrejt tij?

Izet Haxhia: Jo! 

Mira Kazhani: Pse ishte atë ditë aty Fatmir Haklaj, me qëllim për ta vrarë Azem Hajdarin dhe ju jeni ndërmjetësi që nënkupton Jaho Mulosmani në intervisten ne DITA, pak jave me pare nga burgu i Burrelit?

Izet Haxhia: Jo. Nuk kam qënë atë ditë aty (në seli). Po ta tregoj komplet historinë. Unë jam gjendur rastësisht në atë ngjarje. Në datën 11 shtator, ka ardhur vëllai im Ismeti. Më tha që ka kërkuar të të takojë Fatmir Haklaj. Shkova tek hoteli ku po qëndronte, në Linzë. Aty gjeta Fatmir Haklajn, Jaho Saliu, Idajet Gjeci, ka qënë edhe një polic nga Tropoja, Elez Haklaj, Halil Haklaj. Të thirra tha të të falenderoj që më ke pa vllaun gjatë kohës kur ishte në burg. Kena ardh, – tha Fatmiri të takoj dikë se dua të futem sërish në polici, se në atë kohë kish dhënë dorëheqjen pasi vrau dikë në Komisariat dhe donte të gjente një mënyrë për t’u rikthyer. Në atë kohë ka ardh një telefon, dhe më tha që ishin me nxitim për të takuar një njeri, më duket se Arben Imamin.



Mira Kazhani: Nuk biseduat asgjë për Azem Hajdarin në atë tavolinë?

Izet Haxhia: Fatmiri tha se donte të ta­konte 2 persona nga PD. Myftar Lumneshi për një problem që dua ta saktësoj, -tha ai dhe do takonte edhe një person tjetër Dem Dollapin për problemin e një kasete. Bëhet fjalë për një kasetë ku është regjistru Berisha, është kaseta e -97-s ku është regjistru Berisha në Tropojë ku thotë: “Ma sillni ose gjalllë ose të vdekur” atë Shkëlqim Haklajn. Atë e ka regjistru një njeri i afërt i Berishës sepse unë nuk kam qënë në atë miting. Ky (Dem Dollapi) ju kish thënë që do j’ua jepte Haklajve.



Mira Kazhani: Çfarë u bë me këtë kasetë?

Izet Haxhia: Nuk e di se Çfarë është bërë. Mirë më tha ai, (Fatmiri) ne nuk duam të dukemi andej nga PD, por lidhemi. Pata një dyshim në fakt, Fatmiri mu duk i nervozum. Atë natë nuk jemi taku dot, ai më mori me radio por nuk e di pse nuk u lidhëm dot. Unë kam qëndruar tek bilardo afër shtëpisë time. Të nesërmen në mëngjes, rreth orës 6 e 30 të mëngjesit ka ardh xhaja i gruas time. Më tha që po të kërkojnë ca persona. Dola jashtë dhe pashë ata, ishte Fatmiri. Dukeshin të pagjumë. Ata më thanë që do niseshin për  Tropojë. U ndamë dhe u përshëndetëm. Atë ditë kam shkuar tek PD dhe më duket se kemi ngrënë bashkë me vallin tim Ismetin, i cili atë ditë më tha se do shkonte te motra në Shkodër. Madje kujtoj një bisedë atë ditë kur ra muhabeti tek Azemi, sepse vëllai im e ka dash shumë Azemin. Më kujtohet që tha: Azemin mos ma shani, se është i vetmi që kur Partia juaj më pushoi nga puna ai me ndihmoi, më ndihmoi për punë. Unë mund ta them hapur, nuk kam folur 4 vjet me vël­lain tim. Ai ishte komunist dhe jemi ndarë për disa kohë vetëm prej Berishës. Ai ishte i majtë unë i djathtë, nuk merreshim vesh, ta them drejt tani.

 
Mira Kazhani: Nuk kuptova një gjë. Tek selia e PD kë prisnin të takonin në 12 shtator ata? Dem Dollapin dhe Myftar Lumneshin?

Izet Haxhia: Ah, po në mëngjes kur i takova i pyeta pse donin ta takonin Lum­neshin, ai më tha se kishte një llaf me të dhe dua ta vërtetoj. Thuhet se një person në pritën e Qafe Luzhës (ku u vra Shkëlqim Haklaj) ka thënë se një njeri për tre ditë rresht në atë pritë ku u vra Shkëlqimi, në atë vend ka parë persona me mitraloza duke shku nga pjesa e Bokës, (quhet vendi atje). Çdo ditë në mëngjes. Sipas tij kanë qënë tre persona, një çun i tezes së Myftarit (Selim Hoxha), vëllai i tij Rasimi dhe Gani Neza, që është kunati i Myftarit.

Nuk është e vërtetë – i thashë, sepse Rasimi në atë kohë ka qënë në Greqi, Selimi ka qënë në Fier sepse atë natë kam qënë unë tek shtëpia e tij, për Ganinë nuk e di se ku ka qënë, nuk të jap dot përgjigje.

Fatmiri më tha që donte ta dëgjonte nga goja e atij, (Myftar Lumneshit) sepse jemi miq, e s’ma merr mendja të jetë kështu, por thjesht dua ta dëgjoj. Ishin bindur se ishte një nga ato shtirjet që bëjnë tropojanët, se ata janë të shquar për të fut në sherr, një që e ka inat tjetrin, shkon edhe e rren, shpif, fut në ngatërresë. Sa për Dem Dollapin i thashë që s’e kisha parë e nuk dija gjë.

Diku nga ora 5-së e pasditës, isha në shtëpi time tek Shkolla e Kuqe, kur erdhi Jaho Salihi. Ai kishte makinën e Fatmir Metës, dhe më tha që Fatmiri (Haklaj) donte të më takonte sërish. Kemi shku tek kodrat e Liqenit, aty ishin të gjithë veç atij policit dhe Idajet Gjecajt. Më thanë ‘na doli edhe një punë tjetër dhe nuk ikëm në Tropojë e thamë të pinim kafe’. Folëm e biseduam dhe aty u hap bisede edhe për Azemin.

Elez Haklaj më tha se Azemi ka kërkuar ta takojë përmes një juristi të PD, nuk ja kujtoj emrin tani, por kujtoj që ky juristi i PD në atë kohë ka qënë vëllai i gruas të Sokol Haklajt, djalit të Elez Haklajt që është vrarë tek prita e Milotit. Ai vazhdimisht ka kërkuar të më ta­kojë se është futur si ndërmjetës mes nesh dhe Azemit. Ma merr mendja se kur thonë që atë ditë donin të takonin një ndërmjetës, ndoshta është ky njeriu që kanë pritur. Kemi ndenjur rreth 1 ore e gjysëm dhe mbaj mend që Jaho vinte dhe shkonte, bëri disa lëvizje, ndërroi makinën me një tjetër. Mu duk se donte të blinte një makinë. Nuk u fol asgjë më shumë për Azemin, veç asaj që tha Elez Haklaj.

U ngritëm dhe zbritëm poshtë. Ishim unë, Halili, Agim Logu, Elez Haklaj kemi bërë një xhiro, këtej nga krahu i ministrisë së brend­shme dhe mikrobusi ku ndodheshim, është ndalur tek ushtari i panjohur.

Ulemi dhe pimë një kafe sa të vijnë ata, (nënkupton Fatmir Haklajn dhe Jaho Salihi Mulosmanin). Jemi fut tek kafe Aroma. Kemi pi kafe aty, kemi ndenjur më shumë sesa një gjysëm ore. Sa kemi dalë nga kafe Aroma kanë ardhur breshëritë e automatikut, fiks kur po hipnim ne mikrobus. E mbaj mend shumë mirë, se i kemi dëgju breshëritë e automatikut, ishin 5 breshëri automatiku, dhe mes tyre kanë qënë edhe nja dy –tre të shtëna pistolete.

Halili është alarmue, kishte radion me të cilën tentoi të fliste me Fatmirin por nuk arriti. Pak më vonë ka fol Jaho më duket, dhe ka kërkuar që të dalim nga rruga e Dibrës. Jemi nis dhe kemi dalë tek Farmacia 10. Kam parë një makinë Mercedes me një fenelinë policie sipër. Kemi kthye makinën dhe u vumë në ndjekje të saj. Në radio na thanë për një të plagosur. Përshtypja ime ishte se kishin rënë në ndonjë pritë. Ku të shkojmë, ku të shko­jmë? Vendosëm të shkonim tek shtëpia e Nehat Kullës. Shkuam tek shtëpia e Nehatit. Nga aty është bërë ndërrimi i të plagosurit dhe është fut tek mikrobusi, këtij Naimit të cilin Jaho Salihi, Elezi dhe shoferi e çuan në spital.

Në ato momente asgjë nuk po kuptohej se çfarë kishte ndodh. Unë për vete nuk kam ditë asgjë. Kemi trokit tek shtëpia e Nehatit, ka dalë Nehati dhe ka pyet: Çfarë ka ndodh? Nuk e di,- i thashë Nehatit. Ka një të plagosur dhe s’di a kanë rënë në pritë, a çfarë ka ndodh. Pastaj pashë që Fatmiri ka fol diçka me Halilin. Halili ka fillu të heq ato targat e makinës se Mercedesit. Ka marrë automatikun që kishte Fatmiri, e ka copëtue pjese-pjesë. Në atë kohë u kthyen edhe ata nga spitali dhe u larguan, ndërsa unë kam ik në shtëpi, aty tek Shkolla e Kuqe.

Pas 10 minutash jam fut tek bilardoja. Në atë kohë ka dalë gruaja ime dhe ishte marrë vesh që ishte vrarë Azem Hajdari dhe ma ka dhënë ajo lajmin. Kuptohet që ka qënë një tronditje. Aty jam përpjekur të kuptoj çfarë kishte ndodhur. Jam fut në shtëpi dhe kam fol në telefon me ish-komandantin e gardës Halit Gjeçin dhe ma konfirmoi dhe ai që ishte vrarë Azem Hajdari.

Në atë kohë më ka marrë në telefon Ismeti. Ku je, – i thashë unë? Se unë e dija që ishte në Shkodër. Jam tek shtëpia e një tropojani më tha mue. E pyeta pse nuk kishte ik në Shkodër dhe më tha se ja kish kërku Fatmir Meta që të shkonin një ditë më vonë, pasi ky i fundit merrte dhe detyrën si shef i komisariariatit atje. Kujtova se mos të ka ndodh gjë ty, më tha vël­lai im Ismeti. Kish kujtu se mund të kisha qënë tek PD-ja. Ai kish shku atje dhe kish marrë vesh për vrasjen e Azemit, kish pyet për mu se kishte pas frikë mos kisha qënë unë andej, dhe më pas kish ik me disa tropojane tek shtëpia e këtyre. Në mënyrë absolute – më tha – mos dil përjashta sonte. Janë gjërat shumë të ngatër­rueme

Nuk kam dal atë natë dhe kam shkuar të nesërmen. Por atë natë nuk kam fjet, doja ta sqaroja se çfarë ishte ajo gjë që ndodhi.

Mira Kazhani: Pas kaq shumë vitesh e keni sqaruar çfarë ishte ajo që ndodhi? Duke lidhur edhe ngjarjet të gjitha bashkë, pse mendoni se u vra Azem Hajdari?

Izet Haxhia: Pas ngjarjeve të 14 shtatorit, kam qëndruar një javë në Shkodër dhe më pas kam shkuar në Tropojë. Aty kam patur rastin të takoj Fatmirin. Ai ma ka sqarue. E kam py­etur: Pse e vrave Azem Hajdarin? Dhe çfarë lidhje kisha unë me atë punë, që më thirrët. – Të kërkoj falje unë, më tha. Nuk kam pas asnjë qëllim dhe nuk kam shkue me vra Azem Hajdarin.

Kjo është ajo që u betua ai para meje: “Unë po të kisha dash me e vra Azem Ha­jdarin, mund ta kisha bë. Gjatë kohës që ne kemi pritur këtë personin, s’ma tha emrin, por ma merr mendja mu ka qënë ai juristi i PD. Fatmira më tregoi se gjatë asaj kohe Azemi ka qënë në kafe aty. E kemi pa dhe po të kisha dash me e vra e kisha ba. Jemi çudit kur ka ardh në drejtim tonë. Në kohë kur ka pa Azemin që vinte në drejtim të makinës, Fatmir ka pas një shprehje: – Po ky vjedullaku ça po don?

Është një shprehje nga Tropoja për një njeri të shëndoshë. Azemi kur ka ardh drejt makinës, në njërën dorë ka qënë duke fol në telefon dhe në tjetrën mbante një pistoletë me silenciator. Shoqëruesi i tij, që ka qënë një djalë shumë i mirë dhe më ka ardh shumë keq, i ka ra xhamit të Jaho Salihit. Fatmiri ka dalë nga dera e pasme e makinës, ka qënë i veshur me uniformë, kanë qënë ato të ndërhyrjes së shpejtë. Nga mbrapa tij ka dalë edhe Naim Cangu. Dhe Fatmiri siç duket ka pa pistoletën e Azemit, nuk e di. Fatmiri e ka gjujt me breshëri Azem Hajdarin. Fillimisht ka gjujt një breshëri, është rrëzu në tokë dhe ka gjujt breshërinë e dytë mbi Azem Hajdarin dhe pastaj ka qëllu mbi Zenel Nezën.

Fatmiri tre­gonte se kur ka gjujt mbi këta të dy, ka pa një tytë automatiku dhe tyta ka qënë e shokut te tij Naim Çangu. Ai s’e ka parë dhe i ka dhënë një breshëri edhe atij. Fatmiri ka kthy kokën dhe ka parë shoqëruesin e Azemit që mbante shtrënguar Jaho Salihin, dhe Fatmiri tregon kështu, se ngaqë ata ishin të ngjitur trup për trup, dhe më duket ka pas një pistoletë beretë dhe ka futur mes tyre pistoletën dhe e ka qëllue atë. Pastaj me automatik i ka dhënë një breshëri edhe atij. Kjo është ajo historia.

Biles Jaho tregonte se Fatmiri qe duke më vra dhe mu, se e ndjeva atë ngrohtësinë e plum­bave tek këmbët.

Mira Kazhani: Pse mendon se u gjend aty Azem Hajdari. E ka nxitur dikush apo e ka bërë me mendjen e tij?

Izet Haxhia: Tani të flasim të vërtetën. Kur unë kam shkue tek PD të nesërmen jam interesu me marr informacion. Kam pyt shumë persona, si ka mundësi që Azemi të dal para asaj makine me targa Vlore. Ç’nevoje kishte? Ka qënë një person me emrin Bujar Daja. E kujtoj që ai ishte shumë i tronditur atë ditë. Unë më tha, s’kam ditë asgjë. E vërtet që e kam bë telefonatën, dhe kam thënë që është një makinë e dyshimtë me targa Vlore, dhe telefonatën e kam bë në zyrën e Azemit.

Në atë kohë sipas informacioneve, Azemi është thirr, nga Linda Ihsani, sekretarja e Berishës në zyrën e Berishës, më duket për të pa film­imet e mitingut që kishin bërë në Fier. Fisnik Sina (në atë kohe këshilltar i Azem Hajdarit) ka shku tek zyra e Sali Berishës, dhe i ka thënë se është një makinë me targa Vlore që dyshohet se ka bombë. Sala, ka thënë kështu: Azem dil e zgjidhe këtë çeshtje, se ti e zgjidh!

Gjatë asaj ore ka ndodh kjo. Përballë makinës ku ndodhej Fatmir Haklaj, Jaho dhe Naim Çangu, në distancë nga trotuari ku ndodhej makina ka qënë një lokal. Aty ndodhej e ulur mbesa e Sali Berishës, Shpresa Breçani. Ajo i ka pa dhe i ka njohur, se njihen gjithë tropoja­nët. Ajo ka hyp në zyrë dhe ka tregu Berishës për atë që ka pa. Sali Berisha kishte dijeni se kush ishte në makinën me targa Vlore përpara selisë së PD, jam sigurt me 1 mijë përqind. Ç’punë kishte Azemi që të zgjidhte këtë çështje?


Azemit kur i ka thënë Berisha ka shku në zyrën e tij, dhe në atë kohë në koridorin e zyrës ka qënë Genc Pollo me Sali Lushën duke bisedu ndërsa Azemi i alarmuar u ka thënë se Saliu i ka thënë se jashtë është një makinë me bombë që do të hedh në erë PD, dhe merr një armë. Është fut tek zyra e vet ka vënë silenciatorin e pistoletës së tij Zastava, e kam pa atë pistoletë. E ka pas dhuratë nga një miku i tij, Myftar Çela, është vra edhe ai më duket në Mal të Zi.

Duke zbrit shkallët e PD, ka kërku në telefon numrin e Ismet Jovanit, (pseudonimi Jovanovic) dhe mu ma thotë mendja kështu: Ismet Jovani ka qënë mik i ngushtë me Nehat Kullën. Nehati ngaqë ka qënë mik me Feriz Kërrnajën e këta, si duket Azemi atij i ka thënë që po qe se ke ndonjë njoftim… Edhe pse Azemi ka dash me bë figurë në sy të Berishës që dal unë e zgjidh çështjen, ai ka dyshu ka dash me marr masa, me kuptu diçka. Është një supozim. Duhet të pyetet ky person se çfarë ka bisedu Azemi me të. Ky është njeriu i fundit me të cilin ka fol Azem Hajdari. Mua ma merr mendjen që ka pyet: A kanë ardh Haklajt në Tiranë? Se e kishte atë frikën, jo atentati që i pat ndodh…

Mua ma merr mendja që kjo vrasje ashtu si u gjenda unë rastësisht i përfshirë, edhe kjo ishtë diçka rastësore. Sepse Fatmir Haklaj nuk ka patur nevojë të më gënjejë. Jo se e kanë dash Azemin, mendoj që do kenë dasht edhe me e vra, por atë ditë nuk ka qënë e paramen­duar, ka qënë e rastësishme.

Unë jam akuzu se e kam nxjerr Azem Ha­jdarin në pritë. Është një akuzë që ka ardh nga ana e PD. Po pse ka ardh nga ana e PD? Është bërë me qëllim për të mbuluar nxjerrësin e vërtetë ne pritë të Azem Hajdarit që është Sali Berisha. E ka nxjerr me dashje apo padashje… por është edhe një gjë e vërtetë se Sali Berisha pas takimit të plakut të Haklajve me Azem Hajdarin, ka qënë shumë i shqetësuar.

Edhe është e vërteta e madhe që s’mund ta mohojë askush që Sali Berisha e ka pa kur ka marrë plumbat Azem Hajdari.


Fundi i Pjesës së Tretë



Kush e vuri bombën te VEFA?

Kush është killeri Anton Gjergji ish-truproja e Nexhmije Hoxhës?

Kush e drejtonte komandën e SHIK-ut që zhduku Haklajt? 

Si u sajua “Hakmarrja për Drejtësi”?

A është tentuar ndonjëherë vrasja e Berishës? 

Kush ia ka kërkuar këtë Izet Haxhisë?

Incidentet e Haxhisë me politikanët e kohës. A është ai autori i rrahjes së Edi Ramës?


Përgjigjet në Linkun: http://imazheshqip.blogspot.com/2014/09/izet-haxhia-kush-e-vuri-bomben-te-vefa.html


*   *   *